Мектебімізде Алатау аудандық «Адал ұстаз» байқауы өтті.

Мектебімізде Алатау аудандық «Адал ұстаз» байқауы өтті. Білім саласында адалдықты, кәсіби шеберлікті және педагогикалық жауапкершілікті дәріптеу мақсатында мектебімізде  «Адал ұстаз» атты аудандық байқау жоғары деңгейде ұйымдастырылды. Байқаудың басты мақсаты – ұстаздардың еңбегін бағалау, озық тәжірибені насихаттау және білім беру саласындағы адалдық қағидаттарын нығайту.
Байқауға аудан мектептерінен өз ісіне жауапкершілікпен қарайтын, шәкірт тәрбиесінде үлгілі нәтиже көрсетіп жүрген білікті ұстаздар қатысты. Қатысушылар педагогикалық тәжірибесін, шығармашылық жұмыстарын, кәсіби ұстанымын және адалдыққа негізделген қызметін таныстырды.
Қазылар алқасы байқау барысында ұстаздардың кәсіби біліктілігіне, әдістемелік шеберлігіне, оқушылармен қарым-қатынасына және қоғам алдындағы жауапкершілігіне ерекше назар аударды. Нәтижесінде үздік деп танылған ұстаздар марапатталып, алғыс хаттар мен дипломдарға ие болды.
Аталған байқау ұстаз мәртебесін арттыруға, адал еңбектің бағаланатынын көрсетуге және жас мамандарға үлгі болуға зор ықпал етті. Ұстаз еңбегін ұлықтаған бұл шара алдағы уақытта да өз жалғасын табады деп күтілуде.