Алматы қаласы Алатау ауданы №152 мектеп-гимназиясында «Мен көшбасшымын!» тақырыбында аудандық мектеп парламенттері көшбасшыларының слеті өтті.

Слеттің мақсаты:  
– Оқушылардың өзін-өзі басқару жүйесін дамыту арқылы отаншылдық сана-сезімін арттыру;  
– Әділ әрі жауапты шешім қабылдау дағдыларын қалыптастыру;  
– Бірлік пен ынтымақтастық атмосферасын нығайту;  
– Құқықтық мәдениетті көтеру;  
– Еңбекқорлық пен кәсіби бағдарға ұмтылысын дамыту;  
– Шығармашылық пен жаңашыл бастамаларды қолдау;  
– Тәуелсіздік пен ұлттық рухты тәрбиелеуге ықпал ету.
       Іс-шара барысында Алатау ауданы Білім бөлімінің әдіскері Жумадилова Ляззат Көлбаевна слеттің мақсат-міндеттерімен таныстырып, жоба мазмұнына қойылатын талаптар туралы нақты түсіндіру жұмысын жүргізді. Қатысушыларға сәттілік тіледі.
Қазылар алқасының шешімімен қалалық кезеңге жолдама алған мектептер:  
№184, 156, 152, 160, 169, 185, 201, 205, 209, 217, 218, 154.
Көшбасшы болу – бұл жауапкершілік пен сенім!