№152 мектеп-гимназиясының ата анасы Жамалбек Қанымгүл ханым өз отбасының атынан 12 оқушыға мектеп формасын және сөмкелерін алып берді. «Қайырымдылық жасасаң, қайырымын өзің көресің» деген дана халқымыздың ұлағатты сөзін қолдай отырып, демеуші жасап отырған әр бір жанға алысымызды білдіреміз!

Жиналыстың мақсаты: ҚР Үкіметінің 2008 жылдың 25 қаңтардағы №64 қаулысы бойынша түсіндірме жұмыстарын жүргізу. Жиналыста мектеп директорының міндетін атқарушы А.С. Жакипова, әлеуметтік педагогтар Г.Б. Абдрешова мен Л.К. Каймолданова ата- аналарға тегін ыстық тамақтың және қаржылай көмектің кімдерге, қалай берілетіндігі туралы түсіндіріп айтты. ҰБДҚ базасында көмекке мұқтаж отбасылардың 5 санаты бойынша түсіндірме жұмыстарын жүргізіп, сұрақтарына жауап берді.

«Мектепке жол» - бұл Қазақстан халқы Ассамблеясының мүшелері жыл сайын өткізетін акция болып табылады. Ол жаңа оқу жылына дайындық кезеңінде аз қамтылған отбасылардың балаларына демеушілік көмек көрсетуге бағытталған. Бұл іс-шараны ұйымдастырушылар Алматы қаласы Қазақстан халқы Ассамблеясының Ақсақалдар кеңесі №152 мектеп - гимназиясының 3 оқушысына сөмке оқу құралдарымен табыстады.

Акцияның мақсаты-Аз қамтылған және көп балалы отбасылардан шыққан оқушыларға, жетім балаларға, сондай-ақ ата-анасының қамқорлығысыз қалған балаларға оқу жылының басталуына дайындық кезінде материалдық қолдау көрсету  және әлеуметтік себептер бойынша балалардың мектепке келмеуінің алдын алу. Барлық азаматтарды акцияға қосылуға және өмірлік қиын жағдайдағы отбасылар мен балаларға көмек көрсетуге өз үлестеріңізді қосуға шақырамыз. Мектеп әкімшілігі:+77272272504 Әлеуметтік педагог:87781647978

Оқушылардың жазғы сауықтыру орталығына сапарының  қауіпсіздігін қамтамасыз етуде ІІО-ның қызметкерлері жұмылдырылып, аудандық  білім бөлімінің  басшылары сәттілік тілеп шығарып салды.Қызықты, көңілді демалыс болсын!